واحد كان قاعد على القهوة وادامه كباية وعمال يبص لها ومركز فيها اوى
واحد رزل اوى قاعد جنبه فشافه مركز اوى فيها فحب يغلس عليه راح قايم
واخد الكباية دى وشربها مرة واحدة قام التانى بصله كده وقعد يعيط جامد
الرزل قاله خلاص ياعم اهدى بس هاجيبلك كباية تانية
التانى قاله انت ملكش ذنب دانا اللى منحوس
الرزل قاله طب احكيلى انت حاسس كده ليه
التانى قاله انا انهاردة صحيت الصبح متاخر عن الشغل قلت لاخويا هاستلف
العربية بتاعتك عشان الحق اروح الشغل اخدت العربية ورحت الشغل متاخر
المدير هزقنى وطردنى من الشركة نزلت لقيت العربية بتاعة اخويا اتسرقت
رحت عشان ابلغ فالقسم اخويا اتهمنى ان انا اللى سرقتها ضروبنى فالقسم
وكسرونى خالص وماسبونيش الا بالعافية
حتى دلوقت لما اجيت اشرب كباية السم دى جيت انت وشربتها
2008-12-25, 1:56 pm من طرف mohamed abdalla