من أجل لغتنا

السلام عليكم..
ازيكم يا جماعة؟؟
ايه الأخبار؟؟؟

أنا انهاردة جاي أكلمكم في موضوع مهم جدا....
طبعا كلنا عارفين لغة الفرانكوأرابيك
اللي بنسميها لغة الشات..
ودي انتشرت أوي اليومين اللي فاتوا..

طبعاً ده شيء يسيئ للغة العربية..

واللي مضايقني أكتر إن في ناس وزمايلنا بيكتبوا بيها بدل العربي...

ليه يعني؟؟
معندناش حروف عربي في الكي بورد؟؟
وللا اللغة العربية صعبة؟؟؟

وللا يمكن فشخرة؟؟؟

عيب يا جماعة..
والله عيب نساعد الغرب على محاربة اللغة بتاعتنا..
لغة القرآن..
ولغة أهل الجنة...

وأنا دايما بكلم زمايلي وبنصحهم عشان يبعدوا عنها...

لكن انهاردة...
انا جايب اقتراح وعايز أعرف آراءكم من خلال التصويت اللي فوق ده:

رد: من أجل لغتنا 2008-10-17, 11:41 pm من طرف **AMR**

و الله الموضوع بجد رااااااااااااااااااااااااااااااااااااااااااائع جدا

لأني بكره اللغة الغبية دي جدااااا
و رتايي نحذف مواضيعه والمشاركات المكتوبة بالفرانكوأرابيك

رد: من أجل لغتنا 2008-10-18, 1:40 pm من طرف **The Poet**

شكرا جدا يا عمرو على مساهمتك..
بس ياريت تشارك في التصويت نفسه فوق....

رد: من أجل لغتنا 2008-10-18, 7:19 pm من طرف **THUNDER STORM**

من رأيي نحذف مواضيعه الجديدة من النهاردة
وربنا يسامحنا لأن دي الهوية بتاعتنا ماعادش في علم ولا دين
يبقى اللغة كمان
شوية و هانكتب بيها في القطعة بتاعة النحو
ُeereb el ketaah elsabekah
يعني اعرب القطعة السابقة
تخيلوا لو ده بقى السؤال في عام 2020
وربنا يسهل
كان في واحد صاحبنا من اللي بيكتبوا شعر حر مرة قاللي ان الجيل القادم ممكن يدرس قصيدة (العنب )او(السمك)
لأن العقاد كان بيعارض فكرة الواقعية لكن دلوقتي بقت جزء لا يتجزأ من لغتنا و أدبنا

رد: من أجل لغتنا 2008-10-18, 10:54 pm من طرف **AhMeD GhARiB**

علي فكره أنا مصوتش لان كل التصويتات متعصبه ضد اللي بيعمل كده

لا

لازم يبقي في مساحه من الحريه وتكون التصويتات فيها

ومنعملش حاجه ونسيبه او ننصحه

ده رايي

أنا بكره الحركه ديه ومبحبش الطريقه ديه

يعني لو بيكتب أنجليزي ممكن ننمي الأنجليزي

لكن الموضوع ده بيفقعني

بس الموضوع حريه شخصيه لكل واحد براحته ننصحه لو ما أستجبش خلاص هو حر

بس ميمنعش ان اللي بيتكلم كده بكلمه زي ما بيكلمني عشان ميتفزلكش عليا

رد: من أجل لغتنا 2008-10-20, 9:20 pm من طرف **The Poet**

ازاي هو حر يا أحمد؟؟؟

لو في واحد بيعمل حاجة تسيء للدين ؟؟ زي انه ما بيصليش مثلا...
هتنصحه وتسيبه؟؟؟

احنا واجب علينا الحفاظ على لغتنا يا جماعة...

رد: من أجل لغتنا 2008-10-20, 10:06 pm من طرف **AhMeD GhARiB**

أه هنصحه

وده اللي اقدر اعمله

لو مستجبش هو حر

انا مقدرش أعمل أكتر من كده

النصح يا قوطه بالايد لو كنت حاكم

باللسان وبالقلب وده اللي أقدر عليه

يارب تكون وصلت

حكايه بقي الاساءه للدين

فمينفعش المقارنه خالص

أنا صوت على تجاهل مشاركاته

بس أنا مش مقتنع بالموضوع ده ورأئى زى حمادة الامير .... أن ديه حرية شخصية

وانا عن نفسى بحب اللى بيكتب عربى أو يكتب انجليزى أنما الفرنكوعرب والكلام ده لا لا ... ده انا حتى مش بعرف أقرئه

رد: من أجل لغتنا 2008-10-23, 5:08 pm من طرف **THUNDER STORM**

انا بتكلم على حاجة زي اللي بيعملها دكتور نوفل لأنه بينرفزني
وبعدين اللغة بتاعتنا بتعبر اكتر وده موضوع هاحاول اجيبه ان ماجابوش حسن
كمان اللغة اللي بيقولوا عليها انها لغة كوول فده يعني انها باردة ودي كان لدكتور احمد خالد رأي فيها واظن ان غريب عارفه
بعدين لما تضيع مننا بطايقنا واحنا في عالم مخدوع أوكما قال الشاعر قوطة يبقى ممكن أي حد يثبتنا ويلفق أي تهمة للُطَعيِّة اللي زينا
واحنا بنهدّي النفوس مش أكتر والمعذرة للأخ (كود)

من أجل لغتنا

من أجل لغتنا :: تعاليق

من أجل لغتنا