.. المرحله الاعداديه والثانويه ..

طبعاً المرحلتين دول هم اهم المراحل اللي في حياه اي انسان

.. احكيلنا بقي عن التغيييييييييير اللي حصلك من حياه الابتدائي الي الاعدادي ؟

مش تغيير كتير
يعنى أصحاب ابتدائي مثلا محدش فيهم جه معايا مدرسة اعدادي
فده خلانى أصنع اصدقاء جداد
وبقيت جرئ حبة بقي
كان بابايا رجع م السفر وشديت حيلي شوية
مثلا لو بتشاكل بقيت بضرب مش بتضرب كده يعنى


.. كنت شقي ولا كنت هادي ؟
اتشاقيت حبة صغيرين بس في اسس عندي كانت مخليانى طبيعي
ومتغيرش قوي
.. مجموعك في الشهاده الاعداديه ؟
ف الاعدادية ده كان مجموع محترم
كان 269و5 من 280
.. طبعاً احب المواد الدراسيه لقلبك في الاعدادي والثانوي ؟
كانت المواد العلمية
خصوصا الفيزياء والاحياء
.. هل اصحابك وزمايلك اللي كانوا معاك في الفتره دي ... لسه ليك علاقه بيهم ؟
فترة ثانوي اه طبعا صحابي كلهم اللي ع المنتدي
كانو معايا ف ثانوي
لكن اعدادي انقطعت الصلات لاختلاف القنوات الدراسية
.. هل المرحله الثانويه اثرت في حياتك كالباقيين من تغيير اسلوب الحياه والافكار والعلاقات .......... الخ ؟

.. كنت ادبي ولا علمي ؟ وليه ؟
علمى
علشان كان نفسي ادرس الاحياء والفيزياء بغض النظر عن كلية ايه كنت منشن عليها
بس نية الطب كان عندي اكيد
.. جبت كام في سنه تانيه ثانوي ... وكام في ثالثه ثانوي ؟
ف ثانية
98 ونص
ف ثالثة
100 واربعة من عشرة
.. اخبار التزويغ ايه ........ يعني كنت بتزوغ ولا ملتزم ؟؟
يعنى ساعات بس مليش ف النط
كنت بزوغ م الباب
.. كنت شاطر وخانتك الظروف .......... ولا اصلا انت كنت مقضيها ؟
لا مخانتنيش الظروف
وربنا كان واقف معايا الي ابعد الحدود
ومش مقضيها طبعا مقضي ايه يا عم
كنت مطحون ف الدراسة
.. احلي موقفين حصلولك في فترة الثانويه ؟
مواقف كتير من كترهم لا اذكر منهم الا مثلا
العادة الجميلة بعد درس الانجليزي كنت بقعد الف بالعجلةو انا وسليمة
كان الدرس بيخلص عشرة ونص بالليل
نروح البيت 12 مثلا
.. مقلب عملته في حد ؟
لا انا مش بتاع مقالب
.. مقلب اتعمل فيك ؟
لا برضه معدش ينفع الناس كانت بتحترمنى
و مازلت يعنى

نصيحه تحب تقدمها لاي طالب داخل علي الثانويه العامه ؟

يسلام عليك يادكتور اجابات كويسة جدا

بس ياترى انت مكنتش بتجاوب على الاسئلة فى الفترة اللى فاتت ليه


وياريت بقى تجاوب عليها كلها بسرعة علشان نبدأ فى العضو اللى بعدك التعذيب

.. الكوره ..

1.. ما هي ميولك الرياضيه ؟ اهلاوي ولا زملكاوي ؟.. وهل بتحب ناديك ؟
لا اهلاوي ولا زملكاوي
ايام بركات وبسيوني كنت بشجع الاسماعيلي
لكن دلوقتى بشجع المصري
2.. ناديك العالمي المفضل غير المحلي طبعاً ؟
ac milan
3...ما رايك في مستوي الكوره المصريه ... والرياضه المصريه عموما في جميع الالعاب ؟
زي الزفت ..........................زي الطين


....... احداث جاريه ......

1.. ايه رايك في نظام الخصخصه اللي الحكومه شغاله بيه اليومين دول ؟
نظام فكرته جيدة جدا
بس بيتم تطبيقه غلط جدا
و طبعا محدش عارف لما شركة حكومية بتتباع فلوس البيع دي بتروح فين
الله اعلم يا سيدي

2.. ايه رايك في مجلس الشعب هل له دور فعال فعلاً ... ولا هي سلطه زي ما بنسمع ؟
لا ملوش لازمة كبيرة
لان ده دوره ان الشعب يتخذ قراراته
عن طريق ممثلينه من كل دائرة انتخابية
لكن ده مبيحصلش
واللي الحكومة عايزاه بتعمله
واللي بنسمعه
موافقون موافقون

3 .. اخر مره شفت عضو مجلس الشعب عن الدايره بتاعتك كانت امتي ؟
من سنة
كان محمد مصطفي شردي
ومن ست شهور شفت البدري فرغلي كان راكب تاكسي
وهل هو عمل حاجه في صالح المواطن ولا كله كلام ووعود ؟
اهه بيزعق ف المجلس
ولا حياة لمن تنادي
4.. ما هو رايك في نظام التعليم في مصر ومستواه اللي رجعنا ورا خمسين سنه ؟
نظام فاشل بكل المقاييس ومن رأيي لاما كل مدرس يأخد مرتب قد اللي بيأخده ف الدروس
لاما متلوموش بقي المدرسين انهم بيدو دروس خصوصية
ده غير المناهج العقيمة
شرارة والسلسة
وعم سلطان رجل ذواقة
يا عم بلاش كلام فارغ
5.. ايه رايك في الحكومه ؟ ومتخفش احنا في عصر الحريات قول اللي في نفسك ؟
زي الفل بس فل رحته راحت خلاص وعفن
6.. لو حصل لا قدر الله وقابلت الناس دول سطر لكل شخصيه ؟

.. عضو مجلش الشعب عن دائرتك ؟
اجري يا حنكوش جري الوحوش غير رزقك لن تحوش
.. وزيرى التعليم ؟
اتقي الله فينا وف اولياء امورنا وعللى مرتبات المدرسين بجد
وامنع الدروس الخصوصية بشكل جدي
مش قرارات وكلام على الورق وبس
.. وزير الاسكان ؟
اتقي الله ونزل قرارات بمنع التسكين بالمزاد
الناس معدش معاها فلوس لكده
.. وزير الصحه ؟
مجهودك من الصحف والتلفاز مش بطال
و لكن حاول ان تسعي للقمة
و ترتقي بمستشفيات كتيرة سامعين عنها سمعة ذميمة
.. وزير المواصلات ؟
يا ريت تزود اوتوبيسات النقل الداخلي
وزير القوه العامله ؟
دي ست كويسة
كانو مستضيفينها امبارح
و كانت بتقول انها بتتابع الماتشات المحلية وبتتفرج على تمئيلية شرف
في وزير فاضي لكده!!!!!!!!!

.. رئيس مجلس الشعب ؟
اهدي لك كل الجمل السابقة
.. رئيس الوزراء ؟
و انت ايضا
.. رئيس الجمهوريه ؟
ازك يا عم الحج



7.. في رأيك لو قامت حرب الان وكانت مصر طرف فيها ؟ ايه ممكن اللي يحصل ؟
هنبقي قدها ولا هيحصل لنا زي غيرها ؟
مش عارف بصراحة
لانى معنديش معلومات كفاية عن قوي جيشنا ف الوقت الحالي
بس ناس كتير بعدت عن ربنا وعن ديننا
والفرافير كترو
مضمنلكيش النصر يا مصر
8.. ما هو رايك في ازمه الاسعار الحاليه ؟ وايه الحل في رايك ؟
دي سببها التضخم
و لو بطلنا نطبع فلوس ونخلي زيدنا ف دقيقنا
و كمان نبطل سرقة ونحول فلوسنا على بنوك سويسرا
و بطلنا ننهب فلوس قناة السويس
كلنا والله هنكون في حالة ميسورة
لكن ربنا يستر علينا مع الناس دي
9.. ازمه البطاله بتواجهنا كلنا ده طبعاً خلاف العنوسه .. للجنسين ؟
حلولك في مواجهه المشكلتين ؟

و الله البطالة محلولة
وكل واحد حسب شهادته
الحل م البدية اننا نطور مناهج الكليات
علشان اللي خارج يبقي معاه علم سليم وقوي
و بالتالي بدل منستعين بخبرات اجنبية
ودول عاملينلينا حالة من الغزو الفظيع
لا
نستعين بشبابنا المصري المتعلم
لو بطلنا كمان محسوبية وواسطة
هنتعين
لو زودنا مشاريع بناء المستشفيات والشركات والوحدات السكنية
هنتعين كلنااااااااااااااااااااا
الكهربائيين
وبتوع المحارة
وعمال البناء
لحد الدكترة والمهندسين
لكن احنا اللي دولة كسولة
بين كل مشروع ومشروع
10 سنين وللا حاجة
ومش ةعايز بطالة !!!!!!!!!!!!!!!
10.. رايك في الادمان ... ونصيحه لكل اخ واخت واب وام ؟


يا عم انا عايز اللي ينصحنى

شكل كده دكتور كود مش ناوى يكمل الكرسى بتاعه

ومعطلنا وبس

وعلشان كده قفلنا الكرسى بتاعه خلاص وهنفتح كرسى جديد لعضو جديد