كرسى أعتراف " محمد عبدالله "

أنا بقترح أن يكون محمد عبد الله

mohamed abdalla

بس انا عايز أقول حاجه
لما قولت لبيلاكات أنها براءه كده قصدت أنها براءه من أسئلتي يعني هي تكمل الكرسي مع باقي الاعضاء وأنا في أنتظار العضو الجديد
وبرضه عايز أقول أن العضو الجديد يبقي في توبيك لوحده بحيث يبقي مثلا في منتدي كرسي الأعتراف الموضوع الأساسي اللي بيلاكات أتسئلت فيه وتحتيه الموضوع الجديد باسم العضو الجديد

خلاص وانا موافق على محمد عبد الله
وبالنسبة للفصل انا موافقك وكانت الفكرة فى دماغى
كل واحد لى صفحة لوحده

اووك كمان انا موافقه على محمد

وان شاااء الله محمد بموضوع لواااحده

كل عضوا هيكون معانا ع الكرسى بيكون ليه موضوع لوحدوا وبنقفل الموضوع اللى قبلوا

فى انتظار اتفااق باااقى الاعضااااااااااااااااااااااء

انا شكلى ادبست على العموم شكرا وانا مستعد اتحمل مسئولية الكرسى كرسى الاعتراف

وانا برضه موافقه على محمد عبد الله

خلااااااااااااااااااص اووووووووووووووووووك

يبقى محمد عبد الله

يالله بروح احضر ليه اسئلتواا وبرجع تااانى

فى انتظار الاسئله

وفى انتظااار اجاباتك ياااحماده

استعد ياحماااده

يومك مش هيعدى يالله ورينى شطرتك وجاااااااااااااااوب

اسمك \ عندك كام سنه \ دراستك \ عنوانك ؟
مين الناس الى بتحبهم اوى ؟ مين الناس الى بتكرهم؟
ايه الشخصيه الى مش تقدر تنساها؟
حبيت كام مره؟
ايه هوياتك؟
ايه هى الغات الى بتحبها ؟
ايه اكتر حاجاه بتفرحك؟
ايه اكتر حاجه بتزعلك؟
ايه اكتر حاجه بتعصبك؟
ايه هى مواصفات فتاه احلامك؟

نفسك لما تخلف تسمى اولادك ايه؟
وايه اكتر حاجه نفسك تحققها فى المستقبل؟
وايه الى نفسك تعمله دلوقتى حالا؟
بقالك كام يوم منمتش؟
وايه اكتر مده نمت فيها؟
كام مره اتخنقت والخناقه وصلت لضرب؟
كام مره اضربت؟ (هههههههههههههه اكيد كتير

معاك كام فى جيبك دلوقتى؟
بتصرف اد ايه فى الشهر ؟
كلت ايه النهارده؟
ايه رائيك فى الناس النوتى الى بيشربوا سجاير؟
قول اسماء صحابك الولاد؟
واسماء صحابك البنات؟
عندك كام اخ؟
بيحبوك ولا لأ؟
مين اكتر حد بتبحه فى عيلتك؟ اسمك بالكامل لحد اخر جد؟
بتعد فى البيت كام ساعه؟
ايه اكتر اكل بتحبه؟
طولك ووزنك كااام؟

مين العضو اللي عاجبك وتعرف عنه كل حاجه ؟؟؟
وياريت تكلمنا عن نفسك شويه بتحب ايه وبتكره ايه وكده يعني

مامعنى الحب عندك ؟

ما الصفه اللي مابتحب تكون موجوده في حبيبتك ؟

ما نوع السياره المفضل ليك ؟

ما النكهه اللي بتحبها في الايس كريم ؟

مانوع الملابس اللي بتحبه

\
مانوع موبايلك
الي عندو كمان اسئلة يسال

يالله حبيب خاالتك جاااااااااااااوب

ورجعالك تاااااااااااااااااااانى

بيلاكات كتب:: استعد ياحماااده

يومك مش هيعدى يالله ورينى شطرتك وجاااااااااااااااوب

حرااااااااااااااااااااام كل ديه اسئلة

انتى بتردد على انا عملته فيكى
وكمان انتى عارفه كل أجوبة الاسئلة دية

اسمك \ عندك كام سنه \ دراستك \ عنوانك ؟

محمد عبدالله ، 18.5 ، أولى هندسة بورسعيد ، بورسعيد - الجوهرة

مين الناس الى بتحبهم اوى ؟ مين الناس الى بتكرهم؟

أصحابى كلهم ، المغروزم فى نفسه على الفاضى د

ايه الشخصيه الى مش تقدر تنساها؟

أ / محمد دحروج ، أ / محمد عبد المنعم

لان التنين علمنى حاجات كان ليها تأثير كبير على شخصيتى وكمان التنين علمونى أحب مادة الرياضة

حبيت كام مره؟

يااااااااااااااااااااااااااا ... كتيررررررررر بس كله هوائى يعنى مش عارف اذا كان حب أصلا ولا لا

" وده من صفات برجى برج الحوت ".

ايه هوياتك؟

السباحة ، الجوالة هما أهم هويتان عندى

ايه هى الغات الى بتحبها ؟

ولا لغة حتى العربى

ايه اكتر حاجاه بتفرحك؟

لما أشوف الناس الى بحبها فرحانة

ولما يحد يطلب مساعدتى فى حاجة

ايه اكتر حاجه بتزعلك؟

لما حد يطلب مساعدتى فى حاجة ومعرفش أساعده

ايه اكتر حاجه بتعصبك؟

حاجات كتيرررر بس مبيكنش باين عليى

انما أكتر حاجة هى الاهمال وعدم المسئولية فى العمل

ايه هى مواصفات فتاه احلامك؟

أنها تكون ذكية وعقلها كبير ، وطبعا تكون موهل عالى ، وتكون مخها شغال ومش ركناه يعنى بتعمل نشاط ومثقفة وكده يعنى ، وتكون بتحب تلتزم بمواعدها ، وطبعا تكون حلــــوة .

نفسك لما تخلف تسمى اولادك ايه؟

على حسب الموضة ساعتها " ربنا يسهل ويستر "

وايه اكتر حاجه نفسك تحققها فى المستقبل؟

أكون شخصية بارزة فى المجتمع يعنى على الاقل كده رئيس جمهورية .
وطبعا اكون مهندس ناجح جدا

وأحلام تانية كتيــــــــــــــــــــــررررر

وايه الى نفسك تعمله دلوقتى حالا؟

نفسى اتعلم أرد على المجاملات

بقالك كام يوم منمتش؟

بقالى 3 ساعات بس

وايه اكتر مده نمت فيها؟

طول مأنا فاضى نايم ، يدوووب أقوم أصلى وأكل ونام تانى

كام مره اتخنقت والخناقه وصلت لضرب؟

كتيرررررررر بس وأنا صغير بس ، دلوقتى معندش بتخانق

كام مره اضربت؟ (هههههههههههههه اكيد كتير

كتيررررررررر من ببايى وممامتى بس وانا صغير

معاك كام فى جيبك دلوقتى؟

أنا أعقد بهدوم البيت ومفيش فى جيبى ولا مليم

بتصرف اد ايه فى الشهر ؟

على حسب التسهيل ، بس مبلغ مش ثابت خالص

كلت ايه النهارده؟

ده حاجة أنتى عارفها الى انا عمرى ما بفتكرها
بس ثوانى أسأل ماما

اه ، رز وسمك

ايه رائيك فى الناس النوتى الى بيشربوا سجاير؟

يعنى يأما يكون معندوش شخصية أو كان ضحية
على العموم هو بيدم صحته وصحة الناس الى جنبه " بيحبوهم " ، وكمان جيبه على حاجة مالهاش لزمة

قول اسماء صحابك الولاد؟

أحمد غريب ومنير ومحمد بكرى .......... وناس كتير عايزين يجى 80 ورقة علشان نقول نصهم

واسماء صحابك البنات؟

مى ، هبة ، نسمة ، هالة ، سمر ، مريم ، ايمان ......وبنات كتيرر " مش أوى " غير سلة المكتبة

عندك كام اخ؟

2

بيحبوك ولا لأ؟

الله أعلم

مين اكتر حد بتبحه فى عيلتك؟ اسمك بالكامل لحد اخر جد؟

عادى زى بعض تقريبا ، محمد عبدالله عبد المنعم شحاتة ........ ده الرسمى بس

بتعد فى البيت كام ساعه؟

3 أو أقل غير وقت النوم

ايه اكتر اكل بتحبه؟

الكشرى

طولك ووزنك كااام؟

طولى 164 ، ووزنى 57 وده وزنى من وانا فى تانية اعدادى ولحد دلوقتى مازدت جرام واحد

مين العضو اللي عاجبك وتعرف عنه كل حاجه ؟؟؟

بيلاكات ، حمادة الامير ، السنوسى " عضو فاشل " بس أعرف عنه كل حاجة

وياريت تكلمنا عن نفسك شويه بتحب ايه وبتكره ايه وكده يعني

بعد كل ده عايزة أكلم تانى ، كده كفاية أوى

مامعنى الحب عندك ؟

هو القدرة على التفاهم بين الطرفين ، والتضحية من اجل سعادة الطرف الاخر

ما الصفه اللي مابتحب تكون موجوده في حبيبتك ؟

أنها تكون عايزه تمشى رأيها

ما نوع السياره المفضل ليك ؟

مفيش ، عادى

ما النكهه اللي بتحبها في الايس كريم ؟

الكراميل

مانوع الملابس اللي بتحبه

الى يريحنى ،واللى يعجب الناس

\
مانوع موبايلك

ساجيم اس 2 تو

الي عندو كمان اسئلة يسال

هو ليسه فى أسئلة بعد كل ده

يالله حبيب خاالتك جاااااااااااااوب

اه ، باين أنك بتموتى فى ياخالتـــــــــــــو

ورجعالك تاااااااااااااااااااانى

هههههههههههههههههههههه

حلو شاااااااااطر ياااواد عجبتنى اجااابتك

طالع لخالتك طبعاااااااااااااا

استنى بقى الاسئله انت هتفلت من ايدى

باااااااااااااااااى مؤقتااا

هاي حماده بما ان خلتك سئلت معظم الاسئله اللي ممكن تتسال فانا مش لاقي اسئله كتير جاوب يا سيدي على الاسئله دي مين اكتر بنت اتشدلتها وحاولت انك توصل لقلبها لكنك فشلت وهل يا ترى لسه شغله تفكيرك؟ جاوب مع ذكر الا سباب وامته حصل الكلام ده؟

أيه ده يا بيلا كات
أيه الغل ده
فين الأسئله اللي ممكن نسئلها
انتي مخلتيش حاجه نسئلها
ع العموم انا مبغلبش
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أولا:أيه رايك في خالتك كشخصيه؟
ثانيا:أسم أخر حب،وعرفتها فين ومنين وايه اللي عجبك فيها ؟
ثالثا:أسم الحب الحالي وبرضه شوفتها فين وأيه اللي عجبك فيها ولاحاجات ديه؟
رابعا:أحكيلنا حكايه المنتدي ده يعني ....أيه اللي طلعها في دماغك تعمل المنتدي ده واعملتوه ازاي والحاكايات ديه
خامسا:ايه الحاجات اللي بتابعها في التلفزيون برامج مسلسلات افلام
سادسا: بتضي وقت فراغك في أيه
سابعا مين من أصحابك
اللي بتحبه أكتر واحد
اللي منبهر بيه لأكتر واحد
اللي نفسك تبقي زيه اكتر واحد
اللي بتكرهه اكتر واحد
اللي منفسكش تبقي زييه اكتر واحد
ثامنا:أيه أكتر حاجه قريتها واثرت فيك وقريتها فين
تاسعا:مى ، هبة ، نسمة ، هالة ، سمر ، مريم ، ايمان مين كل البنات دول أنا معرفخومش ياض أنا أعرف عنك كل حاجه بتعرف بنات من ورايا ياض ولا ايه دول معاك في الكليه ولا أيه (سؤال غلس)..صح
عاشرا:أيه رايك في الحب وهل تعتقد أنه وسيله تشجيع ام وسيله تثبيط؟
طب ليه اعتبرت أنه كان السبب في سقوط أحد أصدقائك؟بل وحاولت أثنائه عن حبه أكثر من مره؟
حادي عشر:بيلاكات ، حمادة الامير ، السنوسى " عضو فاشل "
ايه اللي عاجبك في لااعضاء التلاته
وايه اللي بيربطك بينهم التلاته
وليه قولت علي أيمان عضو فاشل
ثاني عشر :مين الشخص اللي بتتمني انك تكون زيه ؟

وديه حجه سريعه كده قولت ألحق بيها الموضوع لحد اما أجهز شويه أسئله بعد اما تلاقيت بيلاكات سئلت كل ده

باااااااااااااااااااااااااااااااااااااااااي

1-
كيف استطعت ان تحصل على هذه الدرجة المهولة في الثانوية العامة؟
2-
ايه اكتر مادة حبيتها في هندسة؟
3-
كم مرة تخليت عن صحابك في اوقات الشدة؟

ههههههههههههههههه

انا مغلوله ياامير ماااشى

جاوب على اسئله صحابك واستنى اسئلتى ياااحماده

يالله ياحلوا ياجميل جاااوب

مين برايك عضو مغرور

بصراحة مش عارف

عضو متكبر

هو مش تكبر بالمعنى المعروف ، وهو بس سنة صغيرة " السنوسى " بس مش بتستخدمها مع أى حد

عضو حبوب

بيلاكات

عضو طيوب

captured star

عضو كووول

starlion

عضو حلو

حمادة الامير

عضو وحش

مفيش ، والحمد لله

عضو زي العسل

أكيد أنا

لو اديتلك بعض الحاجات لمن تعطيهااا

قلم

أخوى ، كان طاب منى من شوية

وردة

ماما

ساعه

بابا

موبيل

أخده أنا بدل اللى معاى

مطربك المفضل؟ومطربتك المفضله؟

لا يوجد ، كله زى بعد

لون المفضل؟

الاسود ، والازرق الفاتح

وممثل المفضل؟

يعنى يمكن أحمد عز ، علشان عمل شوية أفلام حلوة

وكريم عبد العزيز علشان ممثل بجد

وممثله المفضله؟

نيلى كريم يمكن ، والله أعلم

وااكتر اسم عجبك بالمنتدى؟؟

dr kod , dr qoi

علشان مش فاهم معناهم

مين اقرب ليك ابوك او امك؟؟؟؟

أمى ، بس ساعات بيكون بابا

تؤمن من الحب من نظرة واحد؟؟؟؟؟؟؟؟؟؟

طبعا

بتعاكس البنات ولا لا ؟؟؟؟؟؟؟

الحمد لله لا ، بس معظم أصحابى بتعاكس Laughing

موقف حسيت فيه انك ظالم؟؟؟؟؟؟
موقف حسيت فيه انك مظلوم؟؟؟؟؟؟؟

مش فاكر موقف كنت فيه ظالم " بس أكيد الموقف موجود "

أما فى حالة لما بكون مظلوم مش بحيس أصلا

تجربة مرت بحياتك وحابب تعيدها؟؟؟؟؟؟؟؟

لما كنت فى ابتدائى

لحد كده كفايه مره تانيه اكمل

ان شاء الله

والله حراااااااااااااااااااااااااام

هو فين محمد عبد الله ده شكله كت علي بره م الأسئله
ضربله باسبور مضروب وطار علي بوركينا فاسو

ويا بيلاكات احنا مبنخفش ولو عايزه اني أكمل بعد عبدو أنا معنديش مانع وابقي ورينا شطارتك
_______________________________________________________-
وليك يا عبدو مين دي اللي أتكلمت عليها في لعبه أزاي تتصرف في المواقف اللي زي ديه
اللي بتحبها وهي معجبه بيك بس عامله تقيله

ماااشى ياامير استنى دورك هيجيلك يوووم

انت يااامحمد رحت فين سئلت عليك مامتك قالتلى صايع بره

يالله ياواد خلصنا فى يومك المنيل ده

يا جماعة بالراحة على الراجل ....................

بس عفارم عليك يا عبدالله طلعت راجل بحق وحقيق وعرفت ترد اتمنى اني اكون سعيد الحظ النوبة الجاية

meme كتب:: هاي حماده بما ان خلتك سئلت معظم الاسئله اللي ممكن تتسال فانا مش لاقي اسئله كتير جاوب يا سيدي على الاسئله دي مين اكتر بنت اتشدلتها وحاولت انك توصل لقلبها لكنك فشلت وهل يا ترى لسه شغله تفكيرك؟ جاوب مع ذكر الا سباب وامته حصل الكلام ده؟

الحمد للله مفيش ، أصل انا لما بحب مبقولش لحد ، حتى للى بحبه

hamada_elamir كتب:: أيه ده يا بيلا كات
أيه الغل ده
فين الأسئله اللي ممكن نسئلها
انتي مخلتيش حاجه نسئلها

عندك حق والله

ع العموم انا مبغلبش

مش واخد بالى من الموضوع ده
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أولا:أيه رايك في خالتك كشخصيه؟

كفاية تعرف بس أنها مش بس خالتى ديه كمان أختى الكبيرة وصحبتى

ثانيا:أسم أخر حب،وعرفتها فين ومنين وايه اللي عجبك فيها ؟

مينفعش أجاوب على السؤال ده ، لانها مخطوبة دلوقتى ، ربنا يوفقها فى حياتها

ثالثا:أسم الحب الحالي وبرضه شوفتها فين وأيه اللي عجبك فيها ولاحاجات ديه؟

مفيش حب حالى ، لانها كانت أخر حب لحد دلوقتى

رابعا:أحكيلنا حكايه المنتدي ده يعني ....أيه اللي طلعها في دماغك تعمل المنتدي ده واعملتوه ازاي والحاكايات ديه

لما اتلقيت معظم الشلة بتدخل على النت وعلى المنتديات وشغلين فيها كويس ، قولت خلاص ايه المانع اللى يبقى لينا احنا منتدى .

أما عملتوا ازاى ده موضوع سهل خالص اتعلمته من على النت .

خامسا:ايه الحاجات اللي بتابعها في التلفزيون برامج مسلسلات افلام

الافلام الاجنبى طبعا ، بس دلوقتى بتفرج على الحاجات الى عندى على الكمبيوتر ، ومش متابع التليفزيون

سادسا: بتضي وقت فراغك في أيه

فى النوم طبعا

سابعا مين من أصحابك
اللي بتحبه أكتر واحد
اللي منبهر بيه لأكتر واحد
اللي نفسك تبقي زيه اكتر واحد

مفيش حد معين ، انا بحاول أخد الصفة الكويسة اللى فى كل واحد فيهم وحاول أطبقها على نفسى

اللي بتكرهه اكتر واحد

هو مفيش حد بكرهه أكتر واحد ، بس فى ناس كتير بشوف فيها حاجات ما بتعجبنيش

اللي منفسكش تبقي زييه اكتر واحد

الناس اللى فيها صفات الشيطان ، والمفسدين فى الارض

ثامنا:أيه أكتر حاجه قريتها واثرت فيك وقريتها فين

أنت عارف ياحمو أنا ما بقرايش ، أنا بسمع بس

تاسعا:مى ، هبة ، نسمة ، هالة ، سمر ، مريم ، ايمان مين كل البنات دول أنا معرفخومش ياض أنا أعرف عنك كل حاجه بتعرف بنات من ورايا ياض ولا ايه دول معاك في الكليه ولا أيه (سؤال غلس)..صح

هو سؤال غلس فعلا ، بس كفاية تعرف ان معظمهم معاى فى الكلية

عاشرا:أيه رايك في الحب وهل تعتقد أنه وسيله تشجيع ام وسيله تثبيط؟

أكيد الحب شئ جميل لو أحنا فهمناه صح ، وأحيانا بيكون وسيلة تشجيع ، واحيانا أخرى بيكون وسيلة للفشل

طب ليه اعتبرت أنه كان السبب في سقوط أحد أصدقائك؟بل وحاولت أثنائه عن حبه أكثر من مره؟

لان ده مش وقت الحب ، طبعا الحب ملهوش وقت ، بس على الاقل هو مش مؤهل للارتباط

حادي عشر:بيلاكات ، حمادة الامير ، السنوسى " عضو فاشل "
ايه اللي عاجبك في لااعضاء التلاته
وايه اللي بيربطك بينهم التلاته
وليه قولت علي أيمان عضو فاشل

" السؤال كان كان عن أكتر أعضاء أعرف عنهم حاجات مش أكتر حد عجبنى "

بيلاكات ------ خالتى
حمادة الامير ------- صاحبى
السنوسى ------- زميلتى وزى أختى
هى عضو فاشل علشان ما دخلتش المنتدى لحد دلوقتى وكتبت مقالاتها

ثاني عشر :مين الشخص اللي بتتمني انك تكون زيه ؟

السؤال ده متعاد ياحلوه

وديه حجه سريعه كده قولت ألحق بيها الموضوع لحد اما أجهز شويه أسئله بعد اما تلاقيت بيلاكات سئلت كل ده

باااااااااااااااااااااااااااااااااااااااااي

حرام عليكم والله

mohamed emara كتب:: 1-
كيف استطعت ان تحصل على هذه الدرجة المهولة في الثانوية العامة؟

ده بفضل ربنا أولا ، وثانيا علشان أنا كنت بأخد دروس ، وأنا الحمد لله لما بسمع حاجة وانا فاهمها بحفظها كويس وأقدر أجاوب عليها مهما كان شكل السؤال ، وكمان ما ننساش بركة دعى الوالدين

2-
ايه اكتر مادة حبيتها في هندسة؟

ولا مادة فى الكلية ديه حبتها ، يمكن يعنى الحاسب الالى

3-
كم مرة تخليت عن صحابك في اوقات الشدة؟

الحمد لله ، ولا مرة ، الكلام ده بجد

بيلاكات كتب:: يالله ياحلوا ياجميل جاااوب

مين برايك عضو مغرور

بصراحة مش عارف

عضو متكبر

هو مش تكبر بالمعنى المعروف ، وهو بس سنة صغيرة " السنوسى " بس مش بتستخدمها مع أى حد

عضو حبوب

بيلاكات

عضو طيوب

captured star

عضو كووول

starlion

عضو حلو

حمادة الامير

عضو وحش

مفيش ، والحمد لله

عضو زي العسل

أكيد أنا

لو اديتلك بعض الحاجات لمن تعطيهااا

قلم

أخوى ، كان طاب منى من شوية

وردة

ماما

ساعه

بابا

موبيل

أخده أنا بدل اللى معاى

مطربك المفضل؟ومطربتك المفضله؟

لا يوجد ، كله زى بعد

لون المفضل؟

الاسود ، والازرق الفاتح

وممثل المفضل؟

يعنى يمكن أحمد عز ، علشان عمل شوية أفلام حلوة

وكريم عبد العزيز علشان ممثل بجد

وممثله المفضله؟

نيلى كريم يمكن ، والله أعلم

وااكتر اسم عجبك بالمنتدى؟؟

dr kod , dr qoi

علشان مش فاهم معناهم

مين اقرب ليك ابوك او امك؟؟؟؟

أمى ، بس ساعات بيكون بابا

تؤمن من الحب من نظرة واحد؟؟؟؟؟؟؟؟؟؟

طبعا

بتعاكس البنات ولا لا ؟؟؟؟؟؟؟

الحمد لله لا ، بس معظم أصحابى بتعاكس

موقف حسيت فيه انك ظالم؟؟؟؟؟؟
موقف حسيت فيه انك مظلوم؟؟؟؟؟؟؟

مش فاكر موقف كنت فيه ظالم " بس أكيد الموقف موجود "

أما فى حالة لما بكون مظلوم مش بحيس أصلا

تجربة مرت بحياتك وحابب تعيدها؟؟؟؟؟؟؟؟

لما كنت فى ابتدائى

لحد كده كفايه مره تانيه اكمل

ان شاء الله

والله حراااااااااااااااااااااااااام

أنا أســـــــــــــــــــــــــــف والله ، أنا غلطت وعملت تعديل بدل من رد مع اقتباس

بـــــــــــــــــــــــــــس مفيش مشكلة

hamada_elamir كتب:: وليك يا عبدو مين دي اللي أتكلمت عليها في لعبه أزاي تتصرف في المواقف اللي زي ديه
اللي بتحبها وهي معجبه بيك بس عامله تقيله

مش حد معين ، دول كتيـــــــــــــــــــــــــــــر يابنى ، بس على مين زى ما هما عملين تقال ، أنا كمان تقيل أوى

ahmed_abdelnasr كتب:: يا جماعة بالراحة على الراجل

الله عليك قولهم ، شفتوا ياجماعة ده واحد بيخاف عليى

....................

بس عفارم عليك يا عبدالله طلعت راجل بحق وحقيق وعرفت ترد اتمنى اني اكون سعيد الحظ النوبة الج

الله يخليك ، وبتمنى لك التوفيق لما تعقد على الكرسى

اية

أنا مش هسأل حاجة

كفاية الناس اللى بتهريك أسئلة

أنا بس عايزة أقول

ربنا يعين كل واحد بيقعد ع الكرسى ده

ويا رب مكون منهم

ربنا يكون فى عونك

شوية أسئله سهله

مين أكتر عضو فرحت بيه؟(لما اشترك يعني)هه

و مين أكتر عضو زعلت عليه؟

و مين اللي بقى صاحبك

مين الللي بيحبك

أأ _ أسف

مين اللي نفسك تشيله

ومين اللي نفسك يشارك

وناوي تدخل قسم ايه مع اني عارف

معلش مفيش علامات استفهام

يا ترى ليه
و مين اللي قتل كليبر

ومين كليبر ده أساسا
ومين اللي مابيحبش فاطمه
وياترى هي بتحبه

ويا ترى انت عملت عمليات قبل كده
لو فيه اذكرها

ويا ترى الهارد بتاعك كام جيجا
و الفيجا كام
والرامات
وعندك ألعاب حلوه

بص عقبال ماتجاوب دول هاكل لقمه و أجيلك

كرسى أعتراف " محمد عبدالله "

كرسى أعتراف " محمد عبدالله " :: تعاليق

كرسى أعتراف " محمد عبدالله "

مواضيع مماثلة

مواضيع مماثلة