هاااااااااام جدا ...... طلب واستفتاء لحذف منتدي الاغاني نهائيا

السلام عليكم ورحمة الله وبركاته

اخوانى واخواتى الكرام في ذلك المنتدي المبجل

كتبت هذا الموضوع من فرط ما رأيت من التفاهة وضياع الوقت في منتدي الاغانى

فما كان له مكان من أول فتح منتدانا

كيف نرضي بوجوده وهو لا يحوي كلمة طيبة

بل فقط يتناول ان الممثلة فلانة قامت بكذا والمغنية علانة قامت بكذا

ونحن ندرك حق الادراك ان هؤلاء القوم

هم بئس القوم في مجتمعنا

وأخيرا اري احد الزملاء في المنتدي يعرض صورا لنانسي عجرم وغيرها ممن هم في توقيعه

كيف نرضي بوجود هذا المنتدي ومنتدانا يحوي منتدا اسلامي

أرجو التعقل

وأطلب من محمد عبد الله مصمم هذا المنتدي بحذفه فورا

وأرجو لردود الناس على هذا الموضوع

فاتوقع انه اما رد مؤيد لي او معارض

فمن يعارض يقدم اسبابه المقنعة

ومن يتفق معي فيدعم رايي وجزاه الله خيرا ولا ننسي اننا مسلمون ولا نرضي بمثل ذلك سبيلا

وسلام عليكم ورحمة الله وبركاته

هاااااااااام جدا ...... طلب واستفتاء لحذف منتدي الاغاني نهائيا Basmala

أنا أؤيد هذا الموضوع كلية

وجزى الله خيرا كاتب هذا الموضوع

فقد سبقنى به

فأنا أرى فعلا أن وجود هذا القسم ليس منه أدنى فائدة

فلا يصح أن تعرض مثل هذه الصور فى منتدى أصله أنه منتدى علمى وكذا من به مسلمون

حقيقة أن الدخول على ذلك القسم حرية شخصية

ولكن من الإيجابية والتفاعل أن لانرى مثل ذلك ونتفرج وخاصة المشرفين

أظن إن فى منتديات مخصوصة للأغانى وصور الفنانين

من يريد متابعتها فليدخل عليها

وقتها يبقى هى دى الحرية

وكمان الصور اللى فى التوقيعات

المفروض يكون ليها شروط برضه

ودى بقى مش حرية خالص

لإن كل اللى بيشوف الصور دى بيحمل إثمها

وكمان اللى حاططها بيحمل إثمها

واللى موافق إنها تتحط كمان

وهكذا الكلام بالنسبة لمنتدى الأغانى

ولعل بهذا الموضوع نكون قد أبرأنا ذمتنا من ذلك الموضوع

ونرجو فعلا اتخاذ الموضوع بجدية

بسم الله الرحمن الحيم

انا مؤيد بشدة لحذف منتدى الاغاني لانه بكوننا مسلمين فان القران الكريم خير الكلام و يغنينا عن سائر اللغو في هذه الاغاني

قال تعالى ......(سورة لقمان)...:
‏وَمِنْ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُهِينٌ

انا اسف اذ كان ردي ذعل حد بس ده راي و انا بقوله بصراحة

شكرا للتأييد يا جماعة

وأرجو سرعة التفاعل من محمد عبد الله

وحذف هذا المنتدي على وجة السرعة

وماله يا عبد الله شيل منتدى الاغاني Laughing

بس يا ريت يا نوفل تشيل موضوع الاغنية الاجنبي اللى انت حاططها في منتدى الاغاني Laughing

ومعنتش تسمع اغاني اجنبي كتير بقى وشيلها من على الموبايل بتاعك Laughing

اما بقى اللى بتقول التوقيع وصور التوقيع اظن دى حرية شخصية وياريت دى بالذات محدش يدخل فيها Evil or Very Mad

اظن مش عشان منتدى علمي يعنى حتمنعوا الصور دى ، اظن ان الصور مفيهاش اى اباحية ولا ايه؟؟؟؟؟؟؟؟؟؟؟؟؟؟؟ Evil or Very Mad

ولا عشان منتدى علمى بقى كل واحد يحط صورة كوكب من الكواكب التسعة في توقيعه Evil or Very Mad

وفي الاول وفي الاخر مش بمزاج حد المنتدى بتاع الاغاني يتشال او لا ،اظن ان دى حرية شخصية للمشرف العام للموقع يا يسيبه يا يشيله tongue

سلااااااااااااااااااااااااااااااااااااااااااااااامووووووووووووووز cheers

هعتبر نفسي مقرأتش رأيك يا فهمى

والاعتراض في منتدي الاغاني مكنش على الاغاني نفسها وانت عارف كده كويس

الاعتراض كان على مناقشة احوال الفنانين وكانه شئ من لوازم الحياة اننا نشوفهم ونعرف اخبارهم

ده غير صور الفنانات اللي في اخر موضوع ليك

وطبعا لبسهم المخجل اللي مش ممكن يكون عنوان لمنتدي محترم

تتخيل مثلا لو حد عمل سيرش على جوجل وشاف الصور دي ف المنتدي بتاعنا

هيقول ايه

اقلها مش هيسجل باعتبار انه شخص محترم لان لو سجل وهو شايف المحطوط ده يبقي بجد مش محترم
وانجز بقي يا عبد الله وامسح منتدي الاغاني

انتظرنا كتير لان حد يعارض محدش عارض يا عبد الله

حتى المعارض دخل قال شيلوه

سلاااااااااااااااااااااااااااااااااااااام

وعلى فكرة يا فهمي قريب جدا هنحط قواعد للتوقيع ومش هتكون حرية شخصية زي منتى بتقول

وبكوني مشرف في المنتدي ده ممكن اعدل في ردك على اساس ان اسلوبه مش كويس على الاطلاق

بس انا هسيبه علشان الناس كلها تعرفك

سلااااااااااااااااااااااااامنجة

شكرا للمشرفة dr qoi على تعديل الردود

رغم ان انا كواحد من فريق الاشراف مكنتش شايف ما يدعو لتغيير الردود او تعديلها فلم اقم بمثل ذلك

وشكرا على كل حال فلكل مشرف نظرة وعليه الاشراف كما يري

تم غلق الموضوع فلقد ترك كثيرا وما من معارض لمنتدي الاغاني

ونرجو من عبد الله الاسراع بحذفه

اولا اسف يادكتور على أعادة فتح الموضوع مرة اخرى وذلك بناءا على رغبة بعض الاعضاء ولتوسيع مدة النقاش فى هذا الامر الهام .

بقولك يادكتور ايه الى خليك عايز تشيل منتدى الاغانى مع انك كنت عارف من الاول ان فى منتدى اغانى وحطيت فيه كمان اغنية

ولو كنت قصدك علشان حرام كنت قولت كمان على منتدى الافلام ولا ايه !!

انا بقى وكل الى مش عايزين المنتدى يشيل مش عايزين كده لسببين :

1- انه بيحب الاغانى " وانا مش منهم وانت عارف كده ده انا حتى مبسمعش اغانى "

2- ان رأيه ان ده منتدى عام ومتنوعة ولازم فيه منتدى اغانى طبعا وأكيد
ممكن نتحكم فى الموضيع الى فيه بحيث تكون كويس ومفيهاش حاجة " وده الى انا
منهم "

فى حاجة كمان انت كنت قولت لفهمى " لو حد عمل سيرش ودخل المنتدى مش هيسجل
فيه لما يتلقى كده " وده طبعا على العكس لان الى بيعمل سيرش على أغانى
اكيد هيبقى عايزها وكمان الناس الى بتحب الاغانى أكتر من الناس الى
مبتحبهاش بكتير " وانت اكيد عارف كده ده حتى انت بتموت فى الاغانى الاجنبى
" .

بصراحه أحنا كعادتنا ......مصريين نعمل م الحبه قبه عملنا من موضوع زي ده حكايه وهوليله المنتدي موجود واللي عايز يخش عليه يخش واللي مش عايز عندك منتديات بالهبل ولو كان فيه حاجه مخله بالأداب ده دور المشرفين اللي محمد هيخليهم مشرفين عليه بس لما المنتدي يكبر شويه
وبالنسبه للحرام والحلال بلاش تدخل الدين في الموضوع وتخليه السبب لانك مبتكلمش بغرض الأمر بالمعروف والنهي عن المنكر مثلا!!!!!!!!!!!!!!

السلام عليكم ورحمة الله وبركاته

هو ليه يا جماعة الموضوع اتحول لموضوع شخصى
حد معترض على وجود منتدى الأغانى وقال أسبابه
الناس اتحولت وبدأت تعارضه شخصيا
واعتبروا إن الموضوع بيجسده شخص واحد
بس فى ناس كتير مؤيده الموضوع ده مش اللى كتب الموضوع بس

أنا أول مرة دخلت فيها المنتدى ده مكنش فيها منتدى إسلامى
اتنسى طبعا
بس كانت أول حاجة لازم تتحط منتدى الأغانى والأفلام
طبعا لإن اللى بيحبوا الأغانى والأفلام أكتر من اللى بيحبوا المواضيع الدينية وده منتدى عام
ولازم يبقى كده وبعد كده لما افتكرته إننا مسلمين حطيتوا المنتدى الإسلامى

وبالنسبة لمنتدى الأغانى فهو تقريبا اتحول لصور فنانين
ولو بتقولوا اللى عايز يدخل يتفضل واللى مش عايز خلاص
بس المنتدى ده بتاع كل الأعضاء وكلنا مسئولين عنه
وإحنا مقلناش إن فى حاجة مخلة بالآداب كمايقول بشمهندس مصطفى
مش لازم توصل لكده علشان يبقى الموضوع فيه حاجة غلط
وهتشوفها يعنى هتشوفها لإنها مش فى المواضيع بس وكمان فى التوقيعات
وكم من منتديات عامة ممنوع فيها مثل ذلك!!!

ولما جه حد وقال إن مش المفروض يكون فى حاجة زى كده
اتحول الموضوع فجأة كإنه قال حاجة يعنى المفروض إنها تكون موجودة
وإنه فعلا الموضوع كبر
ده على أساس إنه كان هين أصلا
واضح إن الغلط بقى هين جدا على الناس
وإن ده الطبيعى
وإن الصح بقى تقيل قوى

ع العموم أنا ت ده رأيى فيه بصراحة
تقدروا تدخلوا منتديات كتير عامة برضه
وفيها أعضاء بالهبل وناجحة جدا
ومفيهاش منتدى أغانى
ولو فيها فبيبقى ممنوع فيها وضع صور للفنانين
أو كليبات ومقاطع أغانى

مع فائق احترامى وتقديرى لجميع الأعضاء والمشرفين

بالنسبة لموضوع المنتدى الاسلامى يادكتورة ده : لاننى كنا ليسه متفقناش هيتحط لوحده فى فئة خاصة ولا هيبقى تبع المنتديات المتنوعة وكمان مكناش اتفقنا هيبقى تقسيمه ازاى

وبالحق انا عمرى ما بنسى الى انا مسلم " بتكلم عن نفسى بصفتى انا الى قسمت المنتدى " وعلى فكرة انا مبحبش الاغانى خالص بس بحب الافلام العربى والاجنبى والافلام الاجنبى أكتـــــــــــــــــــــــــــر

بالنسبة لموضوع كليبات الاغانى فأنا طبعا معاكم فيه لى لو كان للكليب هدف زى مثلا " الضمير العربى "

اما التوقيع فانا مش معاكم فيه الى اذا كانت الصورة مخله بالاداب أو بمعنى اصح لازم تكون الصورة محترمة.

وعلى فكرة الموضوع انا مش وخده بشكل شخصى والى مكناش عملنا استفتاء وكنت اتكلم مع دكتور محمد نوفل مباشرتا .

وشكرا

يا بشمهندس محمد
أنا مقصدتش كده
بس أنا قلت الحاجة اللى لفتت نظرى أول ما دخلت ع المنتدى
وحضرتك شرحتلى وجهة نظرك وخلاص حصل خير

وأعتذر إذا كان كلامى وصل لحضرتك المعنى ده

وبالنسبة للصور اللى فى التواقيع
فنادرا ما بتلاقى صور لفنانين تكون محترمة شوية
ولو وجدت الصور المحترمة دى
يبقى خير

وأنا لما قلت إنكم أخدتم الموضوع بشكل شخصى مكنتش بتكلم عن حضرتك
أصلى شفت حد معترض ع اللى بيحصل فى منتدى الأغانى
ألاقى حد بيقول إذا كان انت نفسك بتحب الأجنبى وابقى شيله من على موبايلك
طب ماهى مش هى دى القضية دلوقتى
ومش هو لوحده اللى معترض مافى ناس مؤيداه كمان

أرجو أن تكون فهمت وجهة نظرى

وشكــــــــــــــــــــــــــــــــــــــــرا

شباب انا من رأى الموضوع منتهى المنتدى هيفضل موجود والمدير ومعاه المشرفين يتحكموا فى المواضيع اذا كانت مواضيع مخلة أو غير لائقة بمنتدان تتمسح فورااااا

وشكرااااااااااااا

من الواضح ان الموضوع كبر والمناقشة وصلة لذروتها

انا لما دخلت هذا الموضوع لاول مرة و ايدت ازالة منمتدى الاغانى كان شئ يمليه عليا ضميري

لان شايف ان دي حاجة ملهاش لزمة و في حاجات كثيرة افضل منها

انا اولاَ:ايدت الموضوع لاني عاوزكده ودي وجهة نظري الشخصية

ثانياَ:كان واجب لاني شفة ان دي حاجة بتضيع وقت زملائي

فكان من المفروض اني احاول اصلحها واظن ان ده كان قصد الموئيدين

بس واضح ان الموضوع اتاخد على وجه شخصي و اني معتقدش ان ده مكنش مفروض يحصل

عموماَاني مازلت عند راي ان دي حاجة ملهاش لزمة

وبقررها تاني ده راي الشخصيولا الزم به احدغير اني مازلت عاوز منتدى الاغاني يشال

اسف للاطالة اسف لو كلامي زعل حد

انا كان قصدي الخير ليا ولزملائي ودا كان قصدنا كلنا وهدف منتدانا

[size=24]

ودا راي الصراحة

وشكراَ

والسلام عليكم ورحمة الله

[/size]

إسمح لي يا دكتور نوفل و الأعضاء الكرام أن أعبر عن رأيي في هذا الموضوع و هو أن القسم لا فائدة منه و لكن عيب المصريين أنهم بيحبوا يظبطوا كل حاجة على مزاجهم .يعني في الوقت الذي تطالبون فيه بإلغاء قسم الأغاني هناك قسم الأفلام و الذي يعج بشتى أنواع الأفلام؟؟؟يبقي لازم نشيل الأفلام و الأغاني إحتراما للقاعدة التي تتبعونها و هي حذف الأقسام التي لا فائدة منها.

الحمد لله لا أستمع للأغاني أساسا و أتمنى إزالتها من المنتديات كلها.

هناك حل أسهل إنكم تغيروا إسم المنتدى إلى أي أسم عام لا ينص على العلم بعينه لأن الإسم لا يتناسب مع المضمون.

الإختلاف في الرأي لا يفسد للود قضية

هاااااااااام جدا ...... طلب واستفتاء لحذف منتدي الاغاني نهائيا

هاااااااااام جدا ...... طلب واستفتاء لحذف منتدي الاغاني نهائيا :: تعاليق

هاااااااااام جدا ...... طلب واستفتاء لحذف منتدي الاغاني نهائيا

مواضيع مماثلة

مواضيع مماثلة